Dysgu ar-lein am ddim, hyblyg
Dewch i ddysgu rhywbeth newydd heddiw
Cewch ddigon o ysbrydoliaeth gyda’r amrywiaeth o gyrsiau am ddim a argymhellir a’r adnoddau eraill isod gan OpenLearn. Mae adnoddau OpenLearn am ddim lle gallwch astudio pryd y mynnwch ac wrth eich pwysau.
Beth yw OpenLearn?
Gwefan gan y Brifysgol Agored yw OpenLearn. Mae’n gartref i dros 1,000 o gyrsiau byr am ddim ynghyd â miloedd o erthyglau, fideos, podlediadau a gweithgareddau rhyngweithiol ar ystod eang o bynciau.
Gydag OpenLearn, chi sy’n penderfynu ble a pha mor bell rydych chi’n mynd â’ch taith ddysgu. Chi sy’n penderfynu faint o amser rydych chi am ei ymrwymo i astudio, y lefel rydych chi am astudio arni, a’r cyflymder rydych yn datblygu arno.
Bydd OpenLearn yn eich helpu chi i:
- archwilio dysgu ar-lein am ddim
- dod o hyd i’r cyrsiau sydd o ddiddordeb i chi
- myfyrio ar ble’r ydych chi nawr, ble’r hoffech ei gyrraedd a sut i gyrraedd yno
- datblygu sgiliau astudio
- deall y llwybrau i astudio ffurfiol.
Efallai eich bod chi eisiau dysgu sgil newydd, gwella cyfleoedd o ran eich gyrfa neu ddysgu mwy am rywbeth sydd o ddiddordeb i chi.
Os nad ydych erioed wedi defnyddio OpenLearn o’r blaen, rydym yn argymell gwylio’r canllawiau fideo isod i gael trosolwg.
Mae Emyr o'r Brifysgol Agored yng Nghymru yn eich tywys drwy'r broses o greu cyfrif OpenLearn.- Emyr o'r Brifysgol Agored yng Nghymru gyda rhai awgrymiadau ar ddod o hyd i gyrsiau ar OpenLearn.
- Mae Emyr o'r Brifysgol Agored yng Nghymru yn trafod rheoli eich cyrsiau ac olrhain eich cynnydd ar OpenLearn.
Sut ydw i’n cael mynediad at OpenLearn?
Y cyfan sydd ei angen arnoch yw cyfrifiadur, dyfais tabled neu ffôn clyfar a mynediad at y rhyngrwyd. Os nad oes gennych y rhyngrwyd gartref, gallech ddefnyddio eich coleg, llyfrgell leol neu ganolfan ddysgu gymunedol.
Byddwch yn barod ac yn hyblyg
Cynlluniwch faint o amser y gallwch einroi ar gyfer astudio bob wythnos a phryd – byddwch yn realistig! Efallai y bydd yn ddefnyddiol cadw dyddiadur dysgu yn nodi beth, pryd, ble rydych wedi astudio a sut deimlad oedd o, beth aeth yn dda a beth oedd ddim cystal. Gallwch ddefnyddio hwn i newid eich dull a gwella eich profiad dysgu ar hyd y ffordd.
Myfyrio ar eich dysgu
Gall fod yn ddefnyddiol cadw cofnod o sut mae eich dysgu’n mynd a myfyrio ar eich cynnydd. Gallwch ddefnyddio dogfen Word neu ysgrifennu mewn llyfr nodiadau. Mae yna dempledi defnyddiol ar gael ar OpenLearn fel canllaw. Gall myfyrio eich helpu i edrych ar eich dewisiadau a’ch cymhellion, a gwerthfawrogi’ch cyflawniadau a’r sgiliau rydych wedi’u meithrin hyd yma.
Ble ydw i’n dechrau?
Gallwch bori drwy detholiad o gyrsiau am ddim a argymhellir ac adnoddau dysgu eraill ar dudalen lanio Rhaglen Gyfoethogi Genedlaethol OpenLearn.